अमेरिकामा डेढ करोड गरिब

काठमाडौं । विश्वकै महाशक्ति राष्ट्रको रुपमा कायम अमेरिका गएर आर्थीकरुपमा सम्पन्न हुने सपना धेरैले देखेका हुन्छन् तर त्यहाँ पनि डेढ करोड जनता गरिब रहेको एक तथ्यांकले देखाएको छ । यो गरिबीको दुरी विगत तीन वर्षदेखि हालसम्मकै सबैभन्दा फराकिलो भएको बताइन्छ ।

पछिल्लो सन् २००५ को अमेरिकी जनगणनामा आधारित म्याकक्लाची न्यूज पेपस्रको विश्लेषणअनुसार एक करोड ६० लाख अमेरिकी चरम गरिवीा बाँचिरहेका छन् । सन् २००० देखि २००५ सम्म अमेरिकामा गरिबी २६ प्रतिशतले बढेको देखाएको छ । कामदारको उत्पादकत्व बढे पनि ज्याला र रोजगारीको वृद्धि पछाडि नै रहेको प्रतिवेदनले जनाएको छ । संयुक्त राज्य अमेरिकाको कुल जनसंख्या ३० करोड १० लाख रहेको छ । त्यहाँ धनी र गरिवबीच ठूलो अन्तर रहेको तथ्याङले देखाएको छ ।